شاركنا بأغرب عاده سمعت بها في الجزائر

[•. إِحساس طفلة .•]

بسم الله الرحمان الرحيم
السلام عليكم

.....الجزائر باتساع مساحتها وتعدد القبائل والاعراق التي بها تجعل ثرائناالثقافي كبير
اليوم حبيت اندير هذا الموضوع باش ايكون حصوله لاغرب العادات والتقاليد التي في منطقتك او سمعت بها في منطقه من مناطق الجزائـــــــــــر....شاركونا افكاركم


احم احم.....راح نبدا بنفسي
بالنسبة ليا هنا في منطقة لقبايل في بجاية عندهم عادة مليحة ..انا عجبتني بصح لحد الان مافهمتشش و علاش يديروها
هو انه المرأة او البنت في شبابها في فصل الخريف لازم عليها تروح تلقط الزيتون يعني تروح تقطف الزيتون رغم عنها حتى و ان كانت عنها مشاريع او او او او.....و لازم عليهاهي لي تطلع فوق الشجرة هههه
غريـــبة فعلا ........


هيا شاركونا بلي عندكم

اتمنى انو يعجبكم الموضوع (((3)))
اريد تفاعل........


اختكم في الله
يســـرى♥


...........................................



.

[إبتسامة الأمل]

هههههههههههههههههههههههههه

موضوع رائع ماعندي واشنقول على عادات الجزائر


كينلقا وحدة غريبة نقولهالك

[زمن]

موضوع رائع اختي يسرى

العادة الغربية التى سمعتها وشاهدتها في شريط وثائقي في تلفزيون الجزائري عند أهل تندوف عندما تطلق البنت يحتفلون بطلاقها
حفاظا على كرامتها
لى عودة ان شاء الله

[طائرة الجنة]

نحنا عنا عادة غريبة نوعا ما
انو مولود جديد اول مايروح للحمام لازم يشعلو شموع ويكسرو فوق راسوا عظمة
غريبة فعلا

[•. إِحساس طفلة .•]

العادة الغربية التى سمعتها وشاهدتها في شريط وثائقي في تلفزيون الجزائري عند أهل تندوف عندما تطلق البنت يحتفلون بطلاقها
حفاظا على كرامتها
لى عودة ان شاء الله

ههههههههههــه
غريب فعلا هههههههه
مشكورةة حبيبتي
زمن
في انتظاركِ........ان شاء الله

[•. إِحساس طفلة .•]

نحنا عنا عادة غريبة نوعا ما
انو مولود جديد اول مايروح للحمام لازم يشعلو شموع ويكسرو فوق راسوا عظمة
غريبة فعلا



هههههه
مسكـين هاداك المولود ههههه
عظمة؟؟؟؟ ..... هههههه مايتكسرش راسوا
سبحان الله هههه
مشكورة حبيبتي
و الله عادة غريــبة جدا

[طائرة الجنة]

حبيبتي يسرى حتى تاعكم غريبة جدا وانت راح تجربيها ؟ هذا سؤال محيرني جاوبي عليه

[•. إِحساس طفلة .•]

حبيبتي يسرى حتى تاعكم غريبة جدا وانت راح تجربيها ؟ هذا سؤال محيرني جاوبي عليه

هههههههه
حبيبتي
حنا عرب و هوما قبايل و كل واحد و العادات تاعهم
بصح مادامني هنا معاهم اكيـــــد راح نجربها حبيبتي بصح حنا ماعندناش اشجار الزيتون .....ممممم

انا عجبتني ها الفكرة تحهم يعني فيها تسلية و فيها خطورة و فيا مغامرة في نفس الوقت

[nouar]

السلام عليكم ورحمة الله وبركاته
عادة قديمة وغير موجودة حاليا
اردت أن أشارككم في هذا الموضوع فيما يخص العادات والتقاليد في منطقتنا فهي كثيرة جدا منها
1-عند قلة الامطار "الجفاف" هناك عادة تسمى بوقنجة وهي على شكل امراة مكونة من الحَمَّــارة _ وهي ثلاث أعمة مربوطة على شكل هرم لوضع الشكوة ومخض الحليب- يلبسون هاته الاعمدة عباء امراة خضراء وبعض الحلي وغيرها
يقومون بحملها ويمشون ويردون هاته الكلمات لكي تسقط الامطار
بوقنجة طالب الرجى يارب بل النعجة
بوقنجة ضارُو راسو يارب بَلَخْ راسوا
بلخ= شمخ= بلَّ
ارجوا من اخواننا ان لا يجربوها حتى لا يسقط الاثم علي فبدلا منها صلاة الاستسقاء.
أخوكم نوار ----القلتة- الاغواط

[سنومة]

يسور شكرا على الموضوع هايل
ههههههههههههه و الله غير غريبة خويا نوار
يسرى عادتكم شابة و غريبة
طيورة عادتكم أغرب مسكين البيبي عظمة فوق راسسو فالحمام تتقلى بسخانة هههه
أحنا العادة الغريبة عندنا ممممممممممممم لا أدري أنا كلش يجيني عادي هههه كي نتفكر عادة غريبة نحكيهالكم
في متابعة الموضوع

[•. إِحساس طفلة .•]

السلام عليكم ورحمة الله وبركاته
عادة قديمة وغير موجودة حاليا
اردت أن أشارككم في هذا الموضوع فيما يخص العادات والتقاليد في منطقتنا فهي كثيرة جدا منها
1-عند قلة الامطار "الجفاف" هناك عادة تسمى بوقنجة وهي على شكل امراة مكونة من الحَمَّــارة _ وهي ثلاث أعمة مربوطة على شكل هرم لوضع الشكوة ومخض الحليب- يلبسون هاته الاعمدة عباء امراة خضراء وبعض الحلي وغيرها
يقومون بحملها ويمشون ويردون هاته الكلمات لكي تسقط الامطار
بوقنجة طالب الرجى يارب بل النعجة
بوقنجة ضارُو راسو يارب بَلَخْ راسوا
بلخ= شمخ= بلَّ



هههههههه
والله اضحكتني حبيبتي
سبحان الله على هادي العادة
شيء جميل ان نتعرف عليها
بارك الله فيــــك حبيبتي الغالية
و كما قلتي المطر لا ينزل الا بارادة الله تعالى
و اطن ان هناك صلاة الغيث تفي بهذا
مشكورة حبيبتي

[•. إِحساس طفلة .•]

يسور شكرا على الموضوع هايل
ههههههههههههه و الله غير غريبة خويا نوار
يسرى عادتكم شابة و غريبة
طيورة عادتكم أغرب مسكين البيبي عظمة فوق راسسو فالحمام تتقلى بسخانة هههه
أحنا العادة الغريبة عندنا ممممممممممممم لا أدري أنا كلش يجيني عادي هههه كي نتفكر عادة غريبة نحكيهالكم
في متابعة الموضوع


هههههههه
مشكورة على التوضيح سنومتي عضمة = بيضة هههه
و الله نسيت
ضننتها عضام = عضمة اي الي يوجد في جسد الانسان ههه
علابيها جاتني غريبة
هههه
مشكووووووووووورة

[حبيبي يا رسول الله]

السلام عليكم ورحمة الله وبركاته
عادة قديمة وغير موجودة حاليا
اردت أن أشارككم في هذا الموضوع فيما يخص العادات والتقاليد في منطقتنا فهي كثيرة جدا منها
1-عند قلة الامطار "الجفاف" هناك عادة تسمى بوقنجة وهي على شكل امراة مكونة من الحَمَّــارة _ وهي ثلاث أعمة مربوطة على شكل هرم لوضع الشكوة ومخض الحليب- يلبسون هاته الاعمدة عباء امراة خضراء وبعض الحلي وغيرها
يقومون بحملها ويمشون ويردون هاته الكلمات لكي تسقط الامطار
بوقنجة طالب الرجى يارب بل النعجة
بوقنجة ضارُو راسو يارب بَلَخْ راسوا
بلخ= شمخ= بلَّ
ارجوا من اخواننا ان لا يجربوها حتى لا يسقط الاثم علي فبدلا منها صلاة الاستسقاء.
أخوكم نوار ----القلتة- الاغواط ههههههههههههههههه حنا مازالت عدنا هذي العادة في اولاد جلال بالصح ماشي الكل غير البعض الي يديرو فيها دك عادت الناس تدير الاستسقااااء

[سلسابيل]

بصراحة اخي نوار هي اغرب عادة اسمعتها في حياتي
ومشكورة اختي يسرى على الموضوع

[•. إِحساس طفلة .•]

الله يسلمك حبيبتي
بصخ الموضوع مالقاش تجاوب مع الاعضاء
ماشكيتش عجبهم
تمنيت لوكان يشاركو فيه كامل و نظحكوا شوية
مشكورة

[حبيبي يا رسول الله]

لالا اختي يسرا هو موضوع فعلا رائع وانا تاني نتمنى انو جمييييييييييييييييييييييع الاعضاء يشاركو فيه على الاقل نعرفو اغرب عاداتهم هههههههههه وجزاكالله خيرا على الموضوع.

[•. إِحساس طفلة .•]

مشكورة حبيبتي على التشجيع
بارك الله فيك
بودي كذلك انا
شكرا لكِ

[ikram 93]

شكرا اختي يسرى على الموضوع المميز .
انا رايحة نجيبلكم عادة ردا على اختي نوار و هي: نحن عندنا العادة في منطقتنا يقولولها "غنجة" و يديروها باه تصب المطر و يلبسو ايضا مثلكم الحلي و العباءة لمغرف كبييير و يمشيو و يقولو "بو غنجة حرك راسك يا ربي تروى ناسك".
هذي حكاتهالي ماما و قاتلي كي نديروها تصب صح المطر
والله اعلم من صحتها ...

[•. إِحساس طفلة .•]

سبحان الله اختي اكرام
تاع بكري راهم مخاخ بصح شوية في بدعات
على كلٍ عادات جامي سمعت بيها و استفدت جدا من الموضوع
شكرا لكِ عزيزتي

[ملكة الجزائر]

هههههههههههههه عادات غريبة
عندي عادة أختي يسرى لكن سمعت بيها برك وجامي حضرتلها
يديروها في سطيف حكاوهالي السطايفية
في عرس الزواج تاني يوم العرس الي حنا نقولولو فطور العروسة هما الله أعلم وش يقولو (عنده اسم) كاين عادة غريبة يديروها للعروسة يحطولها واحد الخليط تاع العجينة شغل طمينة لكن ماهيش طمينة يحطوها في يد العروسة و إذا هاديك العجينة لصقت في يد العروسة يعني العروسة جيدة وتريح في دار زوجها وإذا العجينة مالصقتش ترجع لدار باباها
هادي عادة للآن مازالهم يديروها
حكاولي عدة ناس من سطيف
لكن الله أعلم من صحتها

[حبيبي يا رسول الله]

هههههههههههههه عادات غريبة
عندي عادة أختي يسرى لكن سمعت بيها برك وجامي حضرتلها
يديروها في سطيف حكاوهالي السطايفية
في عرس الزواج تاني يوم العرس الي حنا نقولولو فطور العروسة هما الله أعلم وش يقولو (عنده اسم) كاين عادة غريبة يديروها للعروسة يحطولها واحد الخليط تاع العجينة شغل طمينة لكن ماهيش طمينة يحطوها في يد العروسة و إذا هاديك العجينة لصقت في يد العروسة يعني العروسة جيدة وتريح في دار زوجها وإذا العجينة مالصقتش ترجع لدار باباها
هادي عادة للآن مازالهم يديروها
حكاولي عدة ناس من سطيف
لكن الله أعلم من صحتها عادة سيئة جدا اختي ملكة الجزائر يعني وش ذنبها العروسة اذا مالصقتش العجينة لازم يحطولها الباتكس في يدها ههههههههههههههه شكرا اختي ملكة الجزائر.

[•. إِحساس طفلة .•]

إذا هاديك العجينة لصقت في يد العروسة يعني العروسة جيدة وتريح في دار زوجها وإذا العجينة مالصقتش ترجع لدار باباها


هههههه
تسمى خلات على هاديك لعروسة المسكينة الي ماتلصقش في يدها
و الله عادة غريبة جداً و اول مرة نسمع بيها
ههههههه
مشكورة حبيبتي ملكة بلادي على المشاركة اطيبة
بارك الله فيك حنونة

[فراشة الإكليل]

بارك الله فيكي اختي يسرى

[•. إِحساس طفلة .•]

wafiki baraka allah
merci

ramadan karime

[لؤلؤة المتوسط]

ه حنا ماعندناش عادة غريبة مي دركا نبحث و نقلكم .
ههههههههههههههه عاداتكم غريبة فعلا ههههههههههههه

[aicha]

انا سمعت وحد العادة بصح و الله العظيم معلابالي وين الله اعلم تقرت
نهار العرس العريس يدرب العروس ضربة خفيفة يعني دليل عن الطاعة
و تاني كاين في وحد المنطقة اصحاب العريس يدولو صباطو يدسوه و لازم هو يصيبو
كاين تاني ام العريس تخلط الزبدة و العسل و تعطيهم لكنتها كي تجي داخلة تحطهم على الباب باش تلسق تم كيما لسق العسل
هاذا منعرف احنا في تيارت مكانش عادة غريبة برك نهار العام يحطو طفل صغير في قصعة ويفرغو علية المخلط (الحلوة و الكوكاو ...)
والعروس النهار الزاوج تطيب الماكلة للمعروضين

[رفيف 93]

ما حلا بلادي بعاداتها وتقاليدها
شكرا على الموضوع

[•. إِحساس طفلة .•]

نهار العرس العريس يدرب العروس ضربة خفيفة يعني دليل عن الطاعة

ايه هاد العآدة نعرفها كآينة في منطقة بجآية
مشكوورة عزيزتي عائشة

[ملاك النور]

شكرا جزيلا لك على الموضوع

[حبيبي يا رسول الله]

عاداتت ولا اغرب منها حنا نحس ماعدناش عادات غريبة في اولاد جلال لكننا مشهورين باكلة الشخشوخة والخبباثة يوم الاعراس تاعنا
وطبعا عدنا اليوم الاول خلاص مع تدخل العروس من الباب تاع دار زوجها يعطوها كاس حليب تشربو نضن هذي عادية واعريس يحنولي ويخبطو الطبسي الي حناولو به يكسروه وكاين اليوم الثاني من العرس يسمونع الحزام ولا حبان الرووس

[rajwa]

السلام عليكم واحنا عدنا عادة لمل يكمل الولد عامه الأول يقصولو شعرو واليقصهوله لازم اسمو محمد او احمد ومن بعد يقومو بشراء الحلويات هذه العادة نوعا ما مزالت في منطقة سطيف وخاصة فالعلمة

[sameh19981]

السلام عليكم واحنا عدنا عادة لمل يكمل الولد عامه الأول يقصولو شعرو واليقصهوله لازم اسمو محمد او احمد ومن بعد يقومو بشراء الحلويات هذه العادة نوعا ما مزالت في منطقة سطيف وخاصة فالعلمة


لالا هاذه العادة لم تكن بل كانت عند اسرة واحدة وناس من خارج الولاية يظنون انهة عدتهم كلهم

[rira]

شكرا يويو اقصد يسرة حنا تاني قبايل كاين واحد العادة لما الطفل يولي يمشي يحطوه في جفنة و يرمو عليه القمح.......... يعني حمام تاع القمح ههههههههه غريبة حقا (((103)))

[ام سلمة الجزائرية]

ههههههههههههههه الغريب اني نسمع في عظمة ضنيتها عظام اللحم العادية
وظهر انو جماعة الشرق البيض يقولو العظم

[طائرة الجنة]

هههههههههههههههههههههههههههههههههه

البيض عنا يسمى بي عظمة

[•. إِحساس طفلة .•]

سلااااااااام
الغريب اني نسمع في عظمة ضنيتها عظام اللحم العادية

ههههه و أنا أيضا ظنيت هذا
مشكوورين على مشاركآتكم


اليووم جبتلكم عآدة كآينة غير في لافآمي تآعنآ و سمعت بيها كيغير برك

هاد العآدة تاع صحآب البااك برك


كي واحد في لافامي تاعنا يووصل للباك تعطيلوا جداتي الخآتم تاع جدي الله يرحموا يقرا بيهم العآم كآمل و يجوز بيه البآآك
زعما زعما بآآش يديه

و سبحآآن الله الصدف تجي بكتووب ربي بيان سير اللي يلبس الخآتم يدي البآآك

و العآم هادا دآآلتي تآع الخآتم رآح نلبسوا .. خآصة اني الوحيدة لي رااح نجوز الباك في لافامي

إن شآء الله نربح علييه ...

^_^

[طائرة الجنة]

ياااااربي تدي الباك ونفرحوا بيك يايسرى شكرا على موضوع

[سارة م]

ههههههههههههههه أغرب عادة هي لما يزيد ولد ولا بنت .....أهلو يحبو يرميو الصرة تاعو قدام المدرسة باش يخرج يحب لقراية
ههههههههههههههههههههههههه والله العظيم

[طائرة الجنة]

عنا تاني ياسارة هههههههههههههه

[•. إِحساس طفلة .•]

ياااااربي تدي الباك ونفرحوا بيك يايسرى شكرا على موضوع
آآمين
إن شآء الله عزيزتي سمووحة
ربي يخليك ..

[tulipe]

السلام عليكم و رحمة الله

نظن هذي أول مشاركة لي في هذا الموضوع...مشكــورة غاليتي يسرى
ربي يوفقك أختي العزيزة

جيت نحكيلكم على عادة سمعتها من عند الجدة ربي يحفظها
قالتلي كانت زمان المرأة كي يتزوج واحد من اولادها تجرب العروسة الجديدة /// شوفو التجربة (((4)))
ترمي" كاش حاجة" في غرفة العروس مثلا حجرة صغيرة شوية ...بعد ماتفوت مدة تروح للبلاصة للي رماتها فيها تشوف اذا مازالت ثما :: في حالة ما إذا ما لقيتهاش معناها هذيك العروسة شاطرة بصح اذا لقات الحجرة في بلاصتها تسيف على وليدها باش يطلقها...

فكرة شريرة صح؟؟؟

[زينة الصغيرة]

موضوع روعة انا اغرب ما سمعت به هو بالهند ان لم تخني الذاكرة ان ابو العروس لازم يحمل ابنته يوم عرسها الى بيت زوجها على ظهره و لا المشكلة لو كانت سمينة اتخيل هههههههههه مهما كانت المسافة و الله الحل ما تزوجها احسن ههههههه مغسي فور اذر تايم

[حبيبي يا رسول الله]

هههههههه صح عادات غريبة جدا
عندي سمعت بواحد العادة كما تاع توليب
احنا الزوج يجيب رمل او تراب او حصى صغيرة يهز الناب تاع الخزانة او التلفاز ويحطو تحتو ويخرج ولما يرجع ويلقاه ............
كملوالموقف وحدكم
يعني مشكل من لا مشكل هههههههههه

[*قطر الندى*]

والله ناس بكري صعاب ياسر انا سمعت تاني يعطيو للعروسة لوزة ويقولولها كسريها اذا كسرتها يعرفوها قوية يعني مش اي شي ايطيحها واذا ما كسرتهاش يعني ضعيفة ايخلوها ما يدهاش
والله افكار شريرررةصح

[زينة الصغيرة]

هههههههه و هذه خبرتنا بها استاذتنا قالتنا انو في ما مضى كان العريس لاز م يجر زوجة ليلة عرسها من شعرها حتى البيت و الله حرام بس في حل لازم لا تتزوج ههههههههه